«Outro Mundo Ya Es» nace da certeza profunda de que non necesitamos esperar ao futuro para vivir de forma máis consciente e amorosa. Ese mundo xa está a emerxer en cada comunidade que se sostén, en cada persoa que se transforma, en cada proxecto que rexenera a terra. 

Este espazo web é o mapa dese mundo en movemento constante: unha rede viva de proxectos, colaboracións e experiencias que convidan a vivir con maior presenza, propósito e conexión. 

Formeime de base en Educación Social, Psicopedagoxía e Terapia Sistémica e a partir do 2011 comecei a profundizar no desenvolvemento persoal e espiritual a través do Ioga, as Constelacións Familiares, o Reiki, a meditación e outras moitas disciplinas. Poucos anos máis tarde a formación en Biodanza, e en Rexistros Akhásicos, a conexión co canto e a música e a mirada da Permacultura cambiaron profundamente a miña forma de ver o mundo e de vincularme comigo, coas demais persoas, e coa Terra. 

E así o meu acompañamento a persoas e a facilitación de grupos e proxectos foi tamén mudando de forma. Fun integrando as diferentes técnicas coa miña propia esencia e experiencia, guiada polo meu corazón e a miña intuición, deixando que o que teña que ocorrer se faga a través de min e non realizado por min. E así todo é máis sinxelo e amoroso, máis auténtico.